Mynta (Mentha) Mint

Til eru margar tegundir af myntum, þekktastar eru mynta og piparmynta. Mynta er mikið notuð í drykki eins og mojito eða heitt og kalt te. Einnig gefur hún salati ferskan blæ. Hún bætir lykt í húsum og gefur ferskan andadrátt ef hún er tuggin. Ýmsum meindýrum er illa við lyktina af henni og því sniðugt að hafa hana í kringum grænmetisgarðinn.

Fjölgun

Fræin spíra ekki eins vel ef þau eru sett of djúpt í jarðveginn. Fræjunum er gott að sá ofan á rakan jarðveg og það má sá þeim nokkuð þétt (0,5-1 cm milli fræja). Eftir að búið er að dreifa fræjunum ofan á jarðveginn er þeim þjappað lauslega niður til að þau snerti jarðveginn örugglega, á þessu stigi er ágætt sð spreyja vatni yfir fræin. Að lokum er plastpoka, filmu eða öðru álíka komið yfir pottinn til að halda öllu röku og hann settur á bjartan stað.

Umhirða

Mynta vill mjög þéttan jarðveg og því er ekki gott að nota vikur/sand í jarðveginn heldur velja jarðveg með miklu lífrænu efni eða kókos. Ekki þarf stóra potta en 15-25 cm er ágætis stærð. þó er hægt að nota bæði minni og stærri potta. Eftir að fræin byrja að spíra og kímblöðin eru flest komin upp er plastið fjarlægt.

Plönturnar vilja hafa jarðveginn rakan og þola illa þurrk. Þær eru mjög harðgerðar, vaxa vel utandyra í pottum og lifa veturinn af. Það er ekki ráðlagt að gróðursetja þær í beð vegna þess hve skriðular þær eru, þær munu yfirtaka allt beðið og gott betur. Til þess að halda plöntunum í örum vexti er gott að nota fljótandi áburð reglulega, þær þola mikinn áburð en það getur haft áhrif á bragðgæði að nota of mikið. Myntur þola talsverðann skugga en líður best í sól. Ég mæli ekki með að rækta myntu undir of sterkum ljósum, þær vaxa nægilega vel undir flúrlampa eða við glugga.

Uppskera

Þegar myntan er orðin um 15-25cm há er gott að taka hana í búnt og klippa niður um helming. Afskurðinn er svo bæði hægt að þurrka eða nýta ferskt í drykki o.fl. nefnt hér að ofan. Hún er þó betri fersk en þurrkuð.

Næring

Að tryggja að plöntur fái öll nauðsynleg næringarefni sem þær þurfa á að halda er mikilvægur þáttur til að fá sem mestan vöxt, þroska og uppskeru. Hér verður farið yfir helstu grunnatriði er varða næringu.
Basilíka (Ocimum basilicum) Basil

Til eru margar tegundir af Basilíkum sem bragðast og ilma ótrúlega skemmtilega. Dæmi eru: Sætbasilíka (sweet basil), Lakkrísbasilíka (basil anise), Kanilbasiliíka (cinnamon basil) og Sítrónubasilíka (lemon basil). Það er ekki annað hægt en að taka aftur fram að ilmurinn er æðislegur sem magnast upp þegar plönturnar eru snertar og því er mjög ánægjulegt að sinna þeim.
Aðalnæringarefni

Í þessari grein munum við rannsaka leyndardóma aðalnæringarefna til að rækta blómlegan garð!

Aðalnæringarefni eru þau efni sem nauðsynleg eru fyrir vöxt og þroska plantna og gegna lykilhlutverkum í ýmsum líffræðilegum ferlum þeirra. Í þessari grein förum við yfir aðalnæringarefnin sem eru: nitur (N), fosfór (P), kalíum (K), kalsíum (Ca), magnesíum (Mg) og brennisteinn (S). Við förum yfir hlutverk hvers næringarefnis fyrir sig, hvernig plöntur taka þau upp og einkenni þess að fá of lítið eða of mikið af næringarefninu.

Að skilja hlutverk og mikilvægi þessara næringarefna mun hjálpa þér að veita plöntunum þínum bestu mögulegu skilyrði til að dafna og hámarka uppskeru þína.
Rósmarín (Rosmarinus officinalis) Rosemary

Rósmarín ilmar og bragðast einstaklega vel, það er nauðsynleg á lambakjötið, svínið og gott á kjúklinginn, ofnbakaðar kartöflur og sætar kartöflur. Hægt er að setja rósmarín út í olíur og edik og það passar mjög vel með appelsínum og öðrum ávöxtum. Einnig passar það vel með búðing og stöppum.

Login