Grunnþarfir Plantna

Allar plöntur hafa vissar grunnþarfir, til þeirra teljast: Ljós, hiti, loft, vatn, næringarefni og pláss.

Ljós:

Plöntur kallast frumframleiðendur því þær framleiða sína orku sjálfar með ljóstillífun. lesa nánar um lýsingu.

Hiti:

Plöntur þurfa mismikinn hita en flestar plöntur hafa það gott á milli 10-30°C. Til að áætla kjörhitastig er oft gott að vita hvaðan plantan er.

Loft:

Það er aðalega þrennt í loftinu sem skiptir plöntur máli. Frægast er koltvísýringur en hann tekur plantan úr loftinu og gerir sykur úr með ljóstillífun. Rakastig getur skipt miklu fyrir kjörupptöku vatns og næringarefna. Plöntur nota einnig súrefni til að brenna sykri.

Vatn:

80-90% af heildarþyngd plantna er vatn, en aðeins lítill huti af vatni sem planta drekkur helst í henni. Mest af vatninu gufar upp við öndun. Plöntur nota líka vatn til að taka upp og flytja næringarefni. Mjög misjafnt er hve mikið og hve oft plöntur þurfa vatn. Sem dæmi þá er ein algengasta dánarorsök hjá Aloe vera ofvökvun.

Næringarefni:

Plöntur eru oft sagðar þurfa mest af þremur aðal næringarefnum sem eru köfnunarefni (N; nitur), fosfór (P) og kalíum (K) en þær þurfa einnig brennistein (S), kalk (Ca) og magnesíum (Mg) í jafn miklu magni. Plöntur þurfa líka snefilefni en til þeirra teljast frumefnin bór, kopar, mangan, molybden, járn, klór, natríum, kóbolt og zink. lesa nánar um næringu.

Pláss:

plöntur þurfa bæði rými ofan og neðan jarðar.

Garðablóðberg/Timjan (Thymus vulgaris) Thyme

Garðablóðberg hentar vel vel með flestum mat, flestu kjöti, pottréttum og grænmetisréttum ásamt því að vera gott í brauðbakstur, pizzur, krydd-olíur og smjör. Sítrónu Garðablóðberg er frábært með fisk og kjúklingi. Varist að nota of mikið, byrjið smátt.
Rósmarín (Rosmarinus officinalis) Rosemary

Rósmarín ilmar og bragðast einstaklega vel, það er nauðsynleg á lambakjötið, svínið og gott á kjúklinginn, ofnbakaðar kartöflur og sætar kartöflur. Hægt er að setja rósmarín út í olíur og edik og það passar mjög vel með appelsínum og öðrum ávöxtum. Einnig passar það vel með búðing og stöppum.
Paprikuplöntur

Paprikur eru tiltölulega skemmtilegar plöntur til þess að rækta heima hjá sér en ég mæli með því að þær séu ræktaðar í stórum suðlægum gluggum, lokuðum svölum, garðskálum eða í gróðurhúsum. Það er hægt að rækta þær undir raflýsingu án sólarljóss en ég mæli með því að þær fái sem mest af sól á sig svo hægt sé að spara raflýsinguna. Þær eru frekar hægvaxta og gefa seint uppskeru sem þýðir að þetta eru ekki plöntur fyrir óþolinmóða.
Ávaxtatré: Kirsuberjatré, Eplatré, Perutré og önnur ávaxtatré

Þegar maður vill fá sér ávaxtatré þá er gott að hugsa málið örlítið áður en rokið er af stað að kaupa tré. Það er ekki alltaf sniðugt að kaupa tré einungis út af verðinu.

Til eru margar tegundir af trjám af mismunandi rótarstofnum. Lykilatriði er að spyrja starfsfólk verslana og alls ekki kaupa tré af fólki sem ekki hefur vit á því sem þau eru að selja. Hér eru grunnupplýsingar sem ég tel skipta máli til að þú getir aflað þér frekari upplýsinga og tekið ákvarðanir eftir þeim. Annars mæli ég með því að skella sér á eitt stutt námskeið um ávaxtaræktun en þau eru í boði reglulega.